Gundruk Ka Achaar : Darjeeling Ka Asli Swad

"Gundruk ka Achaar: Darjeeling ki Swadisht Tasting!"

Darjeeling – ek aisi jagah jahan subah ki shuruaat hoti hai misty hawaon se, aur shaam dhalti hai ek cup garam chai ke saath. Yeh sirf ek hill station nahi, yeh ek feeling hai. Darjeeling ki narrow galliyan, chhoti-chhoti dukanein, khidkiyon se jhankti rangin topiyan aur muskurate chehre bas yahi toh hai hamara Darjeeling sab kuch ek alag hi sukoon deta hai.

Yahan ke log ek dusre se deeply connected hote hain. Sabke paas kahaniyan hoti hain – kisi ki Himalaya ki thandi hawaaon se judi yaad, toh kisi ki chai bagan ke kaam ki baat. Har ritu, har mood, har khushboo mein Darjeeling ka culture basa hai.

Yahan ki chhoti chhoti galliyan, rangin ghar, aur muskurate chehre – sab mein ek sukoon chhupa hota hai. Subah ka mist, dopahar ki halki dhoop, aur shaam ka chai time – har pal mein ek kahani basti hai.

Darjeeling ka culture bhi utna hi unique hai. Yahan logon ka rehna-sahna, bol-chal, kapde, sab mein ek alag hi charm hota hai.  Aur isi culture ka ek pyaara hissa hai . Pahadi Dress. Simple life, peaceful hearts aur strong culture ne Darjeeling ko ek alag pehchaan di hai.

 Gundruk ka achaar

Gundruk Kya Hota Hai?

Gundruk ek fermented green leaf hota hai, jo zyada tar mustard leaves, radish leaves ya spinach se banaya jaata hai. Ye Nepal, Darjeeling aur Sikkim ke local gharon mein kaafi popular hai. Isse sukhakar store kiya jaata hai, aur phir kabhi achaar, kabhi curry, aur kabhi soup ke roop mein use hota hai.

                                                                     

        fermented Gundruk   

                                                   

                    Gundruk ka Achaar Recipe - Darjeeling Style :

Yahan ek simple aur tasty gundruk achaar recipe hai jise aap ghar pe bana sakte ho:

Ingredients:

5 tbsp soybean (dry roast karo jab tak skin crack na kare)

5 tbsp sesame seeds (roast until color change ho jaye)

3-4 tbsp peanuts (optional – roast kar lo)

Masala ke liye:

3 tbsp oil

1/3 tsp jeera

Thoda sa sichuan pepper (timur)

Dry red Chillies

1 tbsp chopped ginger

1 tbsp chopped garlic

1 onion (finely chopped)

1 tomato (finely chopped)

1/2 tsp red mirch powder

1/4 tsp haldi

Namak swaad anusar (salt)

Final mein copped coriander leaves 

Method:

1. Soybean, sesame aur peanuts ko alag alag dry roast karo.

2. Ek pan mein oil garam karo.

3. Usme jeera, sichuan pepper, aur dry red chilli daalo.

4. Fir ginger, garlic, onion, aur tomato daal kar achhe se bhuno.

5. Mirch powder, haldi aur namak daal kar mix karo.

6. Sab kuch thanda hone ke baad mixie mein grind karo jab tak smooth paste ban jaye.

7. Gundruk aur yeh masala ache se mix karo – ready hai Darjeeling style ka authentic gundruk achaar!

Apna culture, apni recipe :

Har jagah ka khana wahan ke culture ka ek hissa hota hai. Darjeeling mein gundruk sirf ek dish nahi, ek yaadon ka treasure hai. Pahadi dress aur gundruk ka achaar – dono milkar ek aisi kahani batate hain jo har pahadi dil ke bohot kareeb hai.

Agar aapne kabhi yeh taste nahi liya, toh ek baar zarur try karke dekhiye – ho sakta hai aapko bhi Darjeeling se pyaar ho jaye!

Yehi hai Darjeeling ki asli khoobsurti - shaant, hara-bhara aur misty

      

Try karo aur comment mein batao!

Aapko yeh recipe aur blog kaisa laga? Apne experience comment mein zarur share karo – aur agar aapke paas apni gundruk ki yaad ho, toh wo bhi likhna na bhoolna!