"Maa ke haathon ka swaad – Aloo Achaar jo dil chhoo jaaye"

"By Pahadi Platter – straight from Darjeeling!"

 Darjeeling ki Hawaon Mein Basa Swad – Aaj Ban Raha Hai Gorkha Achaar!


Darjeeling - sirf ek jagah nahi, ek mehsoos karne wali vibe hai. Subah-subah jab badal pahadon ke beech se dheere dheere nikalte hain, aur ek cup garam chai haathon mein hoti hai, tab lagta hai ki zindagi yahin ruk jaye. Yahan ki hawa mein ek alag hi sukoon hai, aur logon ke dil mein mithaas.


Par Darjeeling sirf chai ke liye famous nahi hai — yahan ka khana bhi kuch kam nahi! Gorkha culture ka hissa hai wo swaad jo har bite mein ghar ki yaad dilaata hai. Aaj wahi swaad hamare kitchen mein phir se zinda ho raha hai… Gorkha achaar ban raha hai!


Mirch, adrak, timmur (wo khas Gorkha pepper), aur wo khas Pahadi touch — sab milke bana rahe hain ek aisa achaar jo sirf taste nahi, ek kahani bhi le aata hai.



                                                    Darjeeling Style: Aloo Ka Achaar




Aloo Wala Gorkha Achaar - Thoda Teekha, Thoda Chatpata, Pura Pahadi!


Yeh sirf ek simple achaar nahi yeh hai hamare pahadon ki kitchen se nikla ek flavour bomb! Jab aloo ke saath mix hote hain bhune hue peanuts, kurkure soybeans, aur taazey hare pyaaz ke patte, tab ban jaata hai ek aisa combo jo sirf taste buds ko nahi, dil ko bhi khush kar deta hai.Jab kisi shaadi, aur koi v festival hota hai hamare ghar mein ye achaar jarur maa banatein hai ya kabhi v parivarik bhoj mein aloo ka achaar banta hai, toh samajh lo ki khaane mein ek dum jaan aa gayi hai! Yeh achaar sirf side dish nahi hota - yeh Gorkha parivaron ke khaas moments ka hissa hota hai. Har ghar mein iska apna style hota hai, par ek cheez common hai swaad jo seedha dil tak jaata hai!


"Final high-quality photo coming soon! Stay tuned!"


Har ingredient ka apna ek role hota hai:


Aloo — base aur soul


Peanuts — crunch aur richness


Soybeans — ek earthy twist


Onion leaves — freshness aur pahadi green touch


Upar se timmur, nimbu ka ras, sarson ka tel aur thoda pyaar bhara tadka!



Sab kuch ek saath milke banata hai ek aisa "Gorkha Achaar" jo har meal ke saath chhota lagta hai, lekin yaadon mein bada reh jaata ha.


Ingredients:


3 medium size ubley hue aloo – chhote tukdon mein kaate


1/4 cup bhune hue peanuts


2-3 tbsp bhune hue soybeans


1-2 tbsp bhune hue til (sesame seeds)


1-2 tbsp bhune hue ramtil (Niger seeds)- optional


1/4 cup onion leaves (hare pyaaz ke patte) – barik kaate hue


1 cup soaked & boiled white peas (matar) 


1 pyaaz (onion) slice


2 tbsp sarson ka tel (mustard oil)


1 tsp timmur (Szechuan pepper)


1 chhota adrak- slice karkein


3 cloves garlic - slice karkein


2-3 hari mirch – barik kaati hui


2-3 small size ka tomatoes ( aag mein sekha hua)


1 tbsp nimbu ka ras (Lemon juice)


1 tbsp namak swaad anusar (Salt)


1\2 tbsp thoda jeera, turmeric, chilli aur dhaniya powder



Banane ka tareeka (Steps):


1. Boil  aloo ko chhote tukdon mein kaat lo aur ek bade bowl mein daal do.



2. Usmein daalo bhune peanuts, bhune soybeans, onion leaves, aur roasted tomatoes.



3. Ek chhoti kadhai mein sarson ka tel garam karo. Jab tel garam ho jaaye, usmein adrak-lahsun k slice, hari mirch, turmeric power, lal mirch powder  aur timmur daal ke halka sa bhuno.



4. Ye tadka ab aloo wale bowl mein daal do.



5. Upar se daalo jeera powder, dhaniya powder, namak aur nimbu ka ras.



6. Upar se thoda coriander leaves .



7. Sab kuch achhi tarah se mila lo, taaki har bite mein taste ka magic ho!



Serve karo:

Garam chaawal ke saath, roti ke saath,  Sel roti ke saath ya sirf aise hi – har tareeke se yeh aloo achaar ek dum lajawab lagta hai!



Yahi Hai Hamare Ghar Ka Swad… Aloo Gorkha Achaar!


Darjeeling ki thandi hawa, Kanchenjunga ki jhalak, aur rasoi se aata hua achaar ka khushboo bhara swaad  yeh sab milke banate hain ek aisa ehsaas jo sirf Gorkha culture nahi, ek pure lifestyle ko reflect karta hai.


Yeh aloo ka Gorkha achaar, peanuts, soybeans aur hare pyaaz ke patton ke saath, sirf ek recipe nahi hai yeh humare bachpan ki yaadein, maa ke haathon ka pyaar, aur har festival ka hissa hai. Har bite ke saath aata hai ek pahadi kahani jo taste buds ko bhi khush karta hai aur dil ko bhi.


Agar aap bhi iss achaar ko try karte ho, toh ek baar ke liye Darjeeling ki galiyon ka feel zaroor aayega!


"Kaisa laga aapko yeh recipe? Comment mein zaroor batayein! Aur agar aapne banaya ho, toh photo share karna mat bhoolna — Gorkha swad sab tak pahuchna chahiye!"





“Kanchenjunga ki ek jhalak — Darjeeling ki subah, aur bhi khoobsurat!”


“Darjeeling se jab Kanchenjunga ki pehli jhalak milti hai, dil ek pal ke liye ruk jaata hai. Safed barf se dhaki hui woh shikhar, suraj ki roshni mein sona si chamak rahi thi. Aisa lagta hai jaise aasman ne zameen ko chhoo liya ho. Har baar jab Kanchenjunga nazar aati hai, yeh pahad sirf unchai nahi, ek spiritual shanti ka ehsaas bhi laate hain. Darjeeling ka asli jaadu toh tabhi hota hai jab subah ki chai ke saath Kanchenjunga ka yeh nazara ho.”




Comments

  1. PcApril 14, 2025 at 4:28 PM

    "Potato pickle is absolutely delicious! The perfect balance of tangy, spicy, and savory flavors. It adds the perfect kick to any meal, making it even more enjoyable!"

    ReplyDelete
    Replies
    1. The Pahadi FoodieApril 14, 2025 at 4:41 PM

      "Absolutely! Aloo ka Achaar is really does bring that extra burst of flavor to any dish. It's the perfect combination of spice and tang – truly a must-try!"

      Delete

Post a Comment

Popular posts from this blog

Darjeeling Style Spicy Aloo Dum Recipe : Pahadon Ka Asli Swad

"By Pahadi Platter – straight from Darjeeling!"
Image
"Darjeeling ka Aloo Dum: Taste jo dil jeet le!" Darjeeling ki thandi hawaon mein , aur pahadi galiyon mein agar koi ek street food sabse zyada pasand kiya jata hai, to woh hai Spicy Aloo Dum! Thoda teekha, thoda masaledaa r aur pura swad bhara ek garma garam plate aloo dum aur uss k saath mein bhuja  muri (puffed rice) ka maza hi kuch aur hota hai! Ye recipe mujhe meri maa se mili hai, jo har festival  mein or normal daily basis meh ye banati hai, har ek chhoti ya bade dukaan ho ya phir street pe ya bade bade hotel mein ho har ek milta hai  yeh recipe har pahadi ke dil kareeb hoti hai. Agar aap bhi ghar baithe uss asli taste ka maza lena chahte hain, to aaj ki recipe sirf aapke liye hai, simple ingredients, but full of flavor! Darjeeling style : Aloo Dum Ingredients: Boiled potatoes 6 cloves garlic Dried red chilies (according to your taste) Little turmeric powder Kashmiri laal mirch Mustard oil Salt to taste Kalonji (Nigella seeds)         ...
Read more »"Aur bhi Pahadi swaad baaki hai!"

Momo _ The Heartbeat of the Hills

"By Pahadi Platter – straight from Darjeeling!"
Image
 "Darjeeling's Momo: A Flavorful Journey from the Hills" For us who grew up in the hills, momo isn't just food it's an emotion. From spicy jhol momo to Crispy fried momo, every bite carries a story, a memory, a moment. If there is one food that truly captures the heart and soul of the hills, it's momo! Whether it's a chilly morning in Darjeeling or a peaceful evening in Mirik , the craving  for a hot plate of steamed momo never fades.  Why Momo is Special in Darjeeling Momo is more than just food for the people of Darjeeling—it's an emotion in the hills! The spicy chutney, the warm filling, and the joy of sharing it with friends or family make it truly special. Types of Momo You Must Try: Steamed Momo: Soft and juicy, served with spicy red chutney. Fried Momo: Crispy outside, soft inside—perfect for those who like a crunch! Jhol Momo: Served in a hot, soupy chutney. A must-try during cold weather.  Apart from steamed, fried, and jhol momo, there are tw...
Read more »"Aur bhi Pahadi swaad baaki hai!"

"Experience the Flavour of Darjeeling: Chilli Momo Recipe & Local Vibe!"

"By Pahadi Platter – straight from Darjeeling!"
Image
 Chilli Momo: Thandi Mausam Ho Ya Baarish Ki Raat – Garam Garam Chilli Momo Ka Swad Hi Alag Hai! Darjeeling ka naam sunte hi sabke zehan mein pahaadi raaste, thandi hawa , aur chai ki pyali aa jaati hai. Par yeh chhoti si hill station, sirf apni natural beauty ke liye hi nahi, balki apne unique flavors ke liye bhi mashhoor hai. Agar aapne Chilli Momo nahi try kiya, toh Darjeeling ki yeh khasiyat aapne miss kar di hai! Chilli Momo ka swad hi kuch aur hota hai - jab thandi hawa aur barish ke mausam mein, garam garam momo ek plate mein serve hoti hai, toh uska ek alag hi maza hota hai. Har bite mein spicy, tangy, aur umami ka perfect balance hota hai. Har corner pe momo ke stalls milte hain, par Darjeeling ka momo apne freshness aur spices ke liye jaana jata hai. Yahan ke log apni momo ko apne pyaar aur mehnat se banate hain aur serve karte hain. Jab aap Chilli Momo khate ho, toh aise lagta hai jaise Darjeeling ka swad directly aapke zindagi mein aa gaya h...
Read more »"Aur bhi Pahadi swaad baaki hai!"